Joriy yilning 17–20-sentyabr kunlari O‘zbekistonda CAEx majmuasida AKT sohasidagi yirik tadbir — “ICTWEEK UZBEKISTAN 2024” axborot-kommunikatsiya texnologiyalari haftaligi bo‘lib o‘tadi. 

Ushbu tadbir doirasida Raqamli texnologiyalar vazirligi hamda Ijtimoiy himoya milliy agentligi “Raqamli dunyoda teng imkoniyatlar”mavzusidagi inklyuziya masalalariga bag‘ishlangan muhim tadbirga taklif etadi.

Tadbir maqsadi — nogironligi bo‘lgan shaxslarning jamiyatga ijtimoiylashuvini oshirish, mavjud bo‘sh ish o‘rinlari bilan tanishtirish, raqamli ta’limdagi imkoniyatlar, ish topishga yordam beruvchi foydali platformalar haqida ma’lumot berishdan iborat.

IT sohasidagi imkoniyatlar va boshqa ko‘plab foydali ma’lumotlarga ega bo‘lish uchun bizga qo‘shiling!

Tadbir o‘tkaziladigan joy: "CAEx" (Central Asian Expo Uzbekistan) Milliy bog‘ ko‘chasi, 1, Toshkent, O‘zbekiston

2-forumlar zali

O‘tkazish vaqti: 20-sentyabr, soat 10:00

17-sentyabr kuni soat 10:00 da boshlanadigan “ICTWEEK UZBEKISTAN 2024" AKT haftaligi ochilish marosimini ijtimoiy tarmoqlar orqali jonli efirda kuzatib borishingiz mumkin.