Жорий йилнинг 17–20 сентябр кунлари Ўзбекистонда CАEх мажмуасида АКТ соҳасидаги йирик тадбир — “ICTWEEK UZBEKISTAN 2024” ахборот-коммуникация технологиялари ҳафталиги бўлиб ўтади. 

Ушбу тадбир доирасида Рақамли технологиялар вазирлиги ҳамда Ижтимоий ҳимоя миллий агентлиги “Рақамли дунёда тенг имкониятлар”мавзусидаги инклюзия масалаларига бағишланган муҳим тадбирга таклиф этади.

Тадбир мақсади — ногиронлиги бўлган шахсларнинг жамиятга ижтимоийлашувини ошириш, мавжуд бўш иш ўринлари билан таништириш, рақамли таълимдаги имкониятлар, иш топишга ёрдам берувчи фойдали платформалар ҳақида маълумот беришдан иборат.

АйТи-соҳасидаги имкониятлар ва бошқа кўплаб фойдали маълумотларга эга бўлиш учун бизга қўшилинг!

Тадбир ўтказиладиган жой: "CАEх" (Central Asian Expo Uzbekistan) Миллий боғ кўчаси, 1, Тошкент, Ўзбекистон

2-форумлар зали

Ўтказиш вақти: 20 сентябр, соат 10:00

17 сентябр куни соат 10:00 да бошланадиган “ICTWEEK UZBEKISTAN 2024" АКТ ҳафталиги очилиш маросимини ижтимоий тармоқлар орқали жонли эфирда кузатиб боришингиз мумкин.