Талаба—югур, пул ют ва контрактингни тўла!
UZINFOCOM компанияси Енгил aтлетика федерацияси билан ҳамкорликда Ўзбекистондаги югуришга бағишланган биринчи электрон платформани ишга туширди!
Yugur.uz — халқаро ва республика югуриш мусобақаларини ташкил этиш имкониятларини очиб бериб, онлайн рўйхатдан ўтиш жараёнларини соддалаштирган ҳолда, натижаларни қайд этиш ва уларни кузатиш имкониятини тақдим этади.
Платформа соғлом турмуш тарзини тарғиб қилиш ва ёшларни мунтазам равишда спорт билан шуғулланишга жалб қилишга қаратилган.
Жорий йилнинг 9 октябридан 30 ноябрига қадар мамлакатимизнинг 14 та шаҳрида “Талаба—югур“ номли югуриш мусобақалари ўтказилмоқда. Унда олий ўқув юртлари талабалари ва ўқитувчилар иштирок этишлари мумкин.
Рўйхатдан ўтиш учун Yugur.uz сайтига кириб, старт пакетини харид қилинг. Шахсий кабинетингиз орқали натижаларни кузатиб бориб, рейтингдан ўз ўрнингизни эгалланг ва 5 миллион сўмгача пул мукофотларини ютиб олинг!
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter