Husiylarning suvosti internet-kabellariga hujumi oqibatida YouTube va Google kabi saytlarda uzilishlar kuzatildi
Bugun global miqyosda internet uzilishi oqibatida yirik saytlar va servislar, jumladan, YouTube, Google, Facebook, Instagram va boshqalarning faoliyatida muammolar kuzatildi. Bunga Qizil dengiz tubidan o‘tgan internet-kabellariga husiylarning hujumi sabab bo‘lgani aytilmoqda.
Turli manbalar Gonkongning HGC Global Communications Limited provayderiga asoslanib xabar berishicha, Yaman husiylari Osiyo, Yevropa va Afrikani bog‘lab turgan internet-kabellariga jiddiy zarar yetkazgan. Hozircha mavjud ma’lumotlarga ko‘ra, husiylar 4 ta suvosti kabelini uzishgan, bu esa trafikning 25 foiziga salbiy ta’sir ko‘rsatgan.
HGC Global Communications Limited kompaniyasi ta’kidlashicha, zarar yetkazilgan marshrutlar Osiyodan Yevropaga ma’lumot o‘tkazishda juda muhim hisoblanadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter