«ICTWEEK Uzbekistan 2024» AKT haftaligi doirasida «UZTELECOM» xalqaro va mahalliy kompaniyalar bilan o‘zaro manfaatli hamkorlikni kengaytirish va mustahkamlash yuzasidan bir qator uchrashuvlar o‘tkazdi.

Shuningdek, kompaniya tomonidan taqdim etilgan yangiliklar orasida sayohat uchun xizmatlar, bulutli yechimlar, aqlli videokuzatuv tizimlari hamda telekommunikatsiya xizmatlarini qulay boshqarish uchun mo‘ljallangan ilovalar ham mavjud.

Jumladan, ichki va xalqaro yo‘nalishlar bo‘yicha aviachiptalar va mehmonxonalarni qidirish xizmati – TELECOM TRAVEL;

— Ma’lumotlar tahlili, intellektual xavfsizlik va resurslarni boshqarish uchun har tomonlama qulay, ko‘p funksiyali videokuzatuv xizmati;

— O‘yin platformalari uchun ikkita yangi loyiha;

— Bir vaqtning o‘zida qo‘ng‘iroq qilish va 4G/5G internetdan foydalanish imkonini taqdim etuvchi VoLTE texnologiyasi;

— Uyali aloqa signali zaif joylarda ham qo‘ng‘iroqlarni Internet orqali amalga oshirish imkonini beruvchi zamonaviy VoWi-Fi texnologiyasi kabi yangiliklar tadbir ishtirokchilarini befarq qoldirmadi.

Bu hali hammasi emas, «UZTELECOM» stendining mehmonlari qiziqarli viktorinalar va interaktiv tanlovlarda ishtirok etib, qimmatbaho sovg‘alar yutib olishdi.

«UZTELECOM» kompaniyasi «ICTWEEK Uzbekistan 2024» AKT haftaligi mobaynida taqdim etgan yangidan-yangi xizmatlari bilan jamiyat hayotini yanada qulayroq, biznes faoliyatini esa samaraliroq qilib, o‘z abonentlar uchun faqat eng yaxshilarini ulashish tarafdori ekanligini isbotladi.