Galaxy CI smartfonlardagi muvaffaqiyatidan so‘ng, Samsung ilg‘or sun’iy intellektni o‘z ichiga olgan holda o‘zining aqlli uy mahsulotlari qatorini qayta belgilamoqchi. Businesskorea hisobotiga ko‘ra, kompaniya 2025-yilgacha sun’iy intellektni qo‘llab-quvvatlaydigan maishiy texnikalarni chiqarishni rejalashtirmoqda.

Ushbu harakat Samsungning Apple va Google kabi texnologiya gigantlari ustidan raqobatdosh ustunligini mustahkamlaydigan “super bog‘langan ekotizim”ni yaratishga qaratilgan. To‘g‘ri, Samsung dastlab bulutga asoslangan LLM ishloviga tayanadi, biroq vaqt o‘tishi bilan qurilmada ishlov berishga o‘tishni rejalashtirmoqda. Samsung iyul oyida aqlli uy mahsulotlari uchun Bixby ovozli yordamchisini taqdim etadi.

Sun’iy intellektni qo‘llab-quvvatlaydigan birinchi qurilmalar Samsung Bespoke AI liniyasidagi Family Hub muzlatgichlari, kir yuvish mashinalari va induksion pishirgichlar bo‘ladi. Ushbu qurilmalar LCD displeylar bilan jihozlanadi. Sun’iy intellektga asoslangan Bixby Assistant avvalgi suhbatlarni eslab qoladi.