Аэропортда бўлганда, кўпинча китоб сотиб олардиму ўқишга ҳар доим ҳам вақт бўлмасди. Янги йил байрамлари баҳона шундай яхши китобни ўқиб чиқишга имкон бўлди. John Doerrнинг “Measure What Matters” китобида OKR (Objectives and Key Results) методикасини қўллаш орқали Intel, Google, Youtube ва бошқа катта натижаларга эришган компанияларнинг натижага йўналтирилган бошқарув тажрибаси содда қилиб тушунтириб берилган экан. Яъни 24/7 банд бўлишнинг ўзи (activity trap) натижага эришишга олиб келмаслиги, балки OKR орқали айнан қайси энг муҳим натижага (objective) қандай (key results) эришиш кераклигини барча жамоа аъзолари тўлиқ тушуниб етиб ишласа, анча каттароқ натижаларга эришиш мумкинлиги яққол ҳаётий мисоллар билан кўрсатиб берилган. Халқаро компанияларда натижа кўрсатган бундай тажрибани давлат ташкилотларида ҳам қўллашга ҳаракат қилинса фойдадан холи бўлмаслиги аниқ.

Китобнинг сайти ҳам бор экан қўшимча маълумотлар учун.

Президентимиз китоб ўқиш зарурлигини таъкидлашлари нафақат ёшларимиз учун, балки ҳар қандай даражадаги раҳбарлар учун ҳам муҳимлигини оддий шу мисолда яна бир ҳис қилдим. Озгина китоб ўқишга имкон бўлганди, ўзим учун қанча фойдали маълумотларни ўргандим, бошқаларга ҳам албатта тавсия қиламан.