Рақамли технологиялар вазири Германия транспорт ва логистика компанияси бош менежери билан учрашди
Рақамли технологиялар вазири Шерзод Шерматов Германиянинг Duvenbeck компанияси бош менежери Нилс Гердеманн билан учрашди.
Вазир IT-аутсорсинг хизматларини кўрсатишда немис компаниялари билан ҳамкорликда ишлашдан мамнунлигини билдирди. Учрашувда IT Park имкониятлари, унда хориж компаниялари учун яратилган имкониятлар ҳамда солиқ имтиёзлари ҳақида қўшимча ахборотлар бериб ўтилди.
Музокараларда ёшларга BPOга ўқитиш ҳамда немис тили кўникмаларини ошириш бўйича махсус тренинглар ташкил этиш таклифлари берилди.
Маълумот учун: Duvenbeck Европанинг жами саккиз мамлакати (Германия, Австрия, Венгрия, Испания, Руминия, Словакия, Полша ва Чехия)да ўзининг 36 та марказига эга бўлиб, кенг тармоқли транспорт ва логистика хизматлари кўрсатиб келмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter