Urganch shahrida vazirlikka biriktirilgan “Ko‘hna qal’a”, “Feruz”, “Umid”, “Jaloliddin Manguberdi” va “Islomobod” mahallalarida infratuzilmani rivojlantirish, aholining ijtimoiy-iqtisodiy holatini va turmush farovonligini oshirish maqsadida qamrovli chora-tadbirlar amalga oshirilmoqda.

Bu tashabbus O‘zbekiston Respublikasi Prezidenti tomonidan ilgari surilgan hududlarni kompleks rivojlantirish siyosatining bir qismi sifatida ilgari surildi. 

Xususan, mahallalarda optik tolali internet tarmoqlari kengaytirilib, mahallalarda bepul Wi-fi zonalari tashkil etildi, aholining raqamli texnologiyalardan foydalanish darajasini oshirishga mo‘ljallangan o‘quv-targ‘ibot ishlari yo‘lga qo‘yildi. 200 nafarga yaqin aholi vakillariga IT, dasturlash, raqamli marketing va boshqa zamonaviy kasblarga o‘qish uchun o‘quv kurslariga yo‘llanmalar berildi. 

O‘rganishlar davomida o‘z-o‘zini band qilish imkoniyatiga ega xotin-qizlar, yoshlar aniqlanib, ular ishlab chiqarishga mo‘ljallangan tikuv mashinalari, jihozlar va boshqa ishlab chiqarish uskunalari bilan ta’minlandi. IT sohasiga qiziquvchi yoshlar va fuqarolarga zamonaviy kompyuter qurilmalari topshirildi.