“ICTWEEK Uzbekistan” AKT haftaligi doirasida “Sun’iy intellekt forumi 2024: mintaqaviy innovatsiyalar, infratuzilma va ijtimoiy o‘zgarishlar” forumi tashkil etildi.

Tadbir Markaziy Osiyoda sun’iy intellektning rivojlanishi, shuningdek, uning jahondagi rivojlanish tendensiyalari, infratuzilmaviy innovatsiyalar va uning jamiyatga foydali ta’siriga bag‘ishlandi.

Forumda SI kelajagi va uning jahon iqtisodiyoti, jamiyati va innovatsion texnologiyalarni rivojlantirishdagi rolini muhokama qilish uchun muhim platformaga aylandi.

Forumning ochilishida Raqamli texnologiyalar vaziri Sh. Shermatov ishtirok etib, nutq so‘zladi.

Forum 3 ta sessiya: “sun’iy intellektni rivojlantirish bo‘yicha mintaqaviy sa’y-harakatlar sessiyasi”, “sun’iy intellekt davrida yuqori darajada hisoblash mashinalari”, “sun’iy intellektning xalq manfaati uchun” kabi mavzulardan iborat bo‘ldi.

Forumning yakuniy sessiyasi sun’iy intellektni amalga oshirishning ijtimoiy jihatlariga bag‘ishlandi.

Sun’iy intellekt forumi Markaziy Osiyo va jahonda eng ilg‘or texnologiyalarni rivojlantirishning dolzarb yutuqlari, muammolari va istiqbollari, sun’iy intellekt infratuzilmasini rivojlantirish tendensiyalari va uning foydali tomonlarini muhokama qilish uchun noyob imkoniyat yaratib, muhim yo‘nalishda davlat va xususiy tashkilotlar o‘rtasida o‘zaro tajriba almashish, hamkorlikni mustahkamlash maydonchasi bo‘lib xizmat qildi.