SpaceX 14 yoshli dahoni ishga oldi?
SpaceX kompaniyasi 14 yoshli Kayran Kvazini ishga oldi. Xabarga ko‘ra, “kompyuter fanlari va injeneriya” mutaxassisi diplomini qo‘lga kiritgan Kayran kosmik kompaniyada dasturchi-muhandis sifatida Starlink yo‘ldoshli internetini rivojlantirishda ishtirok etadi.
Kayran Kvazi hozir 14 yoshda, bu yil Santa-Klara (AQSh) universiteti bakalavri diplomini oladi — universitetning 172 yillik tarixida hali bunaqasi bo‘lmagan. Tabiiyki, shunday iqtidor egasi e’tibordan chetda qolishi mumkin emas edi, oxir-oqibat yosh dahoni o‘z jamoasiga qo‘shib olish Ilon Maskka nasib etdi.
Ma’lumot uchun: SpaceX kompaniyasiga ishga kirishga ariza topshirganlarning atigi 0,2 foizigina ishli bo‘ladi.
“Hayotimdagi yangi bosqich boshlanganidan shodman”, — dedi Kayran ishga olinganidan so‘ng.
Kayrandagi iqtidor bolaligida namoyon bo‘lgan, onasi turli kitoblarni o‘qib berganida diqqat bilan tinglardi. 2 yoshidayoq burro gapirishni boshlagan, shifokorlar onasiga uni maktabgacha ta’limga topshirishni tavsiya qilishgan. Keyinroq undagi IQ ko‘rsatkichi sayyoramizdagi 99,9 foiz odamlarnikidan yuqoriligi tasdiqlangan.
Kayran 10 yoshida Intel Labs kompaniyasida sun’iy intellektni tadqiq qilish bo‘yicha ilmiy xodim sifatida amaliyot o‘tagani nazarda tutilsa, unda ulkan kompaniyalarda ishlash tajribasi yetarli.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter