Japan Display (JDI)  Hitachi, Toshiba va Sony bilan hamkorlik qilib, kompaniyalar yanvar oyida CES 2023 ko‘rgazmasida namoyish etadigan Rælclear displeyini namoyish qildi. Rælclear 20,8 dyuymli shaffof LCD bo‘lib, 84% yorug‘lik o‘tkazuvchanligiga ega.

1280x720 o‘lchamli Rælclear 4096 rangni, 120 Gs gacha yangilanish tezligini va 300 cd/m2 maksimal yorqinligini qo‘llab-quvvatlaydi. 351×201 mm displeyning og‘irligi 1,1 kg bo‘lib, HDMI interfeysi va quvvat manbai bilan jihozlangan.

JDI kompaniyasi o‘zining xususiy texnologiyasidan dunyodagi eng yuqori yorug‘lik o‘tkazuvchanligiga ega shaffof displey yaratish uchun foydalanganini aytadi. Shaffof ekran ikki tomondan ma’lumotlarni aks ettiradi va "noyob ikki tomonlama aloqa" ni ta’minlaydi. Ishlab chiqaruvchilar tushuntirganidek, ishlanma turli tillarda so‘zlashuvchi yoki eshitish qobiliyati past odamlarga muloqot qilish imkonini beradi: mikrofon orqali shaxsiy komyuter yoki planshetga uzatiladigan ma’lumotlar transkripsiya qilinadi, tarjima qilinadi va ikkinchi monitorda ko‘rsatiladi.

Yil boshida JDI 12,3 dyuymli Rælclear’ni chiqardi. Yangi versiya nafaqat kattaroq, balki yangilanish tezligini ikki baravar oshirish, yorqinlikni oshirish va miltillashni kamaytirishni ta’minlaydigan boshqa texnologiyadan foydalangan holda ishlab chiqarilgan. Ommaviy ishlab chiqarish 2023 yilning kuziga rejalashtirilgan.

Oktyabr oyida Xitoyning BOE kompaniyasi MLED texnologiyasidan foydalangan holda yaratilgan yangi shaffof displeyni taqdim etdi. Ishlab chiqaruvchining so‘zlariga ko‘ra, ishlanma bir vaqtning o‘zida mavjud shaffof ekranlarning uchta muammosini hal qiladi: past pikselli zichlik, past yorqinlik va past shaffoflik. BOE 65% dan ortiq shaffoflik, 1000 nit yorqinlik va 100 000:1 kontrast nisbatiga ega 16 dyuymli panelni ishlab chiqishni e’lon qildi.