Japan Display (JDI)  Hitachi, Toshiba ва Sony билан ҳамкорлик қилиб, компаниялар январь ойида CES 2023 кўргазмасида намойиш этадиган Rælclear дисплейини намойиш қилди. Rælclear 20,8 дюймли шаффоф LCD бўлиб, 84% ёруғлик ўтказувчанлигига эга.

1280х720 ўлчамли Rælclear 4096 рангни, 120 Гц гача янгиланиш тезлигини ва 300 cд/м2 максимал ёрқинлигини қўллаб-қувватлайди. 351×201 мм дисплейнинг оғирлиги 1,1 кг бўлиб, HDMI интерфейси ва қувват манбаи билан жиҳозланган.

JDI компанияси ўзининг хусусий технологиясидан дунёдаги энг юқори ёруғлик ўтказувчанлигига эга шаффоф дисплей яратиш учун фойдаланганини айтади. Шаффоф экран икки томондан маълумотларни акс эттиради ва "ноёб икки томонлама алоқа" ни таъминлайди. Ишлаб чиқарувчилар тушунтирганидек, ишланма турли тилларда сўзлашувчи ёки эшитиш қобилияти паст одамларга мулоқот қилиш имконини беради: микрофон орқали шахсий комьютер ёки планшетга узатиладиган маълумотлар транскрипция қилинади, таржима қилинади ва иккинчи мониторда кўрсатилади.

Йил бошида JDI 12,3 дюймли Rælclear’ни чиқарди. Янги версия нафақат каттароқ, балки янгиланиш тезлигини икки баравар ошириш, ёрқинликни ошириш ва милтиллашни камайтиришни таъминлайдиган бошқа технологиядан фойдаланган ҳолда ишлаб чиқарилган. Оммавий ишлаб чиқариш 2023 йилнинг кузига режалаштирилган.

Октябрь ойида Хитойнинг BOE компанияси MLED технологиясидан фойдаланган ҳолда яратилган янги шаффоф дисплейни тақдим этди. Ишлаб чиқарувчининг сўзларига кўра, ишланма бир вақтнинг ўзида мавжуд шаффоф экранларнинг учта муаммосини ҳал қилади: паст пикселли зичлик, паст ёрқинлик ва паст шаффофлик. BOE 65% дан ортиқ шаффофлик, 1000 нит ёрқинлик ва 100 000:1 контраст нисбатига эга 16 дюймли панелни ишлаб чиқишни эълон қилди.