Янги патент яна бир бор компаниянинг келажакдаги қурилмаларини бозорда ажратиб турадиган ноёб хусусиятга ишора қилади.

Android Authority маълумотларига кўра, яқинда Ақш Патент ва товар белгиси идорасига (USPTO) ўз-ўзидан тикланадиган экранга эга қурилма тасвирланган ҳужжат топширилган.

Ушбу янгилик турли хил қурилмаларда, жумладан, ноутбуклар, планшетлар, смартфонлар ва тақиладиган қурилмаларда қўлланилиши мумкин.

Патентда айтилишича, ўз-ўзидан тикланадиган материал бутун экранни ёки унинг фақат мослашувчан қисмини қоплаши мумкин.

Патент автоматик ўз-ўзини тиклаш жараёнини тавсифлайди, бунда материалнинг ўзи чуқурчалар ва тирналган жойларни тўлдиради. Қайта тиклашни иссиқлик, ёруғлик ёки электр токи ёрдамида тезлаштириш мумкин.

Қурилмани заряд қилиш пайтида ёки маълум бир вақтда ҳосил бўлиши мумкин бўлган иссиқлик туфайли тикланиш имконияти ҳам айтиб ўтилган.

Ўз-ўзини даволаш технологияси аллақачон маиший электроникада қўлланилган. Мисол учун, 2013 йилда LG компанияси орқа панелдаги майда тирналган жойларни ўз-ўзини даволаш функциясига эга G Flex смартфонларини тақдим этди.

Бироқ, бу технология чекловларга эга эди ва зарарни буткул бартараф эта олмади.