Bugun Raqamli hukumat loyihalarini boshqarish markazida "Korrupsiyaga qarshi kurashish" mavzusidagi o‘quv-seminari bo‘lib o‘tdi.

9-dekabr – Xalqaro korrupsiyaga qarshi kurashish kuni munosabati bilan tashkil etilgan mazkur tadbirda markaz direktori Anvar Mansurov korrupsiyaning zararli oqibatlari va unga qarshi kurashish choralariga to‘xtalib, ushbu illatga raqamlashtirish orqali ham barham berish mumkinligini alohida ta’kidladi.

Korrupsiya – bu jamiyatning rivojlanishiga to‘siq bo‘ladigan eng jiddiy muammolardan biri, desak mubolag‘a bo‘lmaydi.

U nafaqat iqtisodiyotga, balki ijtimoiy adolat va fuqarolarning huquqlari va erkinliklariga ham salbiy ta’sir ko‘rsatadi.

Korrupsiyaga qarshi kurashish esa har bir davlatning milliy rivojlanish strategiyasining muhim qismi bo‘lishi kerak.

Davlat, jamoatchilik va xususiy sektor o‘rtasida hamkorlikni kuchaytirish hamda korrupsiyaning barcha shakllariga qarshi qat’iy choralar ko‘rish zarur.

Davlat muassasalarda korrupsiyaga qarshi ichki nazorat tizimini to‘laqonli tashkil qilish va uni samarali boshqarish uchun: 

• Korrupsiyaga qarshi ichki siyosat, tartib va yo‘riqnomalarni ishlab chiqish;

• Har bir xodim uchun majburiy etika kodeksini tasdiqlash;

• Qonunchilik va xalqaro standartlarga muvofiq korrupsiyaga qarshi qoidalarni joriy etish lozim.

Umid qilamizki, bugungi seminar davomida namoyish etilgan videoroliklar va o‘quv mashg‘ulotlari hamda mavzuga doir faktlar markaz xodimlarining korrupsiyaga qarshi kurashish bo‘yicha bilimlarining yanada mustahkamlanishiga xizmat qiladi.