O‘zbekiston Respublikasi Prezidenti Shavkat Mirziyoyevning BAAga tashrifi doirasida BAA sun’iy intellekt vaziri Umar bin Sulton al-Olamani qabul qilgan edi.

Prezidentimiz Muhammad bin Zayd Sun’iy Intellekt Universiteti bilan hamkorlikni chuqurlashtirish, talabalar uchun maxsus o‘quv dasturlarini ishga tushirish va bu yo‘nalishda yuqori malakali kadrlar tayyorlash bo‘yicha “yo‘l xaritasi”ni qabul qilishni taklif etgan edi.

Raqamli texnologiyalar vaziri Sherzod Shermatov Birlashgan Arab Amirliklarining sun’iy intellekt sohasidagi nufuzli ta’lim maskani – Muhammad bin Zayd Sun’iy Intellekt Universiteti (MBZUAI)ning Global hamkorlik bo‘yicha vitse-prezidenti Liliy Burns bilan uchrashuv o‘tkazdi.

Uchrashuvda O‘zbekiston va (MBZUAI) o‘rtasida sun’iy intellekt yo‘nalishida hamkorlikni yanada rivojlantirish masalalari muhokama qilindi. 

Xususan, universitetning AI sohasidagi kadrlar tayyorlash dasturlarida o‘zbekistonlik mutaxassislar va talabalar uchun yangi imkoniyatlar yaratish masalalariga alohida e’tibor qaratildi. 

Shuningdek, uchrashuvda IT va sun’iy intellekt sohalarida qo‘shma loyihalarni amalga oshirish, O‘zbekiston mutaxassislarini ilg‘or texnologiyalar bo‘yicha malaka oshirish dasturlariga jalb etish hamda akademik va ilmiy almashinuvlarni kengaytirish bo‘yicha fikr almashildi.

Agar siz sun’iy intellekt sohasida bilim olishni xohlasangiz, Muhammad bin Zayd Sun’iy Intellekt Universitetining bakalavriat va magistratura yo‘nalishlariga hujjat topshirib, talaba bo‘lishingiz mumkin.

Batafsil: https://digital.uz/oz/news/view/41415