Телеграф устунига чиқиб жон сақлаган инсон — ҳозир президент
![Телеграф устунига чиқиб жон сақлаган инсон — ҳозир президент](https://ict.xabar.uz/static/crop/2/0/920__95_2020627499.png)
Саули Ниинистё (чапда) ва Монс Селмерлёв.
2004 йил декабрида Ҳинд океанида юз берган кучли зилзила оқибатида инсоният тарихида энг кўп ўлимга сабаб бўлган цунами қўзғалади.
Турли ҳисоб-китобларга кўра, 225 мингдан 300 минггача одам ҳалок бўлган. Ҳалокат қурбонларининг аниқ сони маълум эмас, чунки жуда кўпчиликни уммон ўз қаърига тортиб кетганди.
Табиий офат оқибатида юзага келган энергия ҳатто Ернинг ўз ўқи атрофида айланиш тезлигига ҳам таъсир кўрсатган. Суткалар 2,68 миллисекундгача қисқарган.
Цунами умумий энергияси, тротилга қиёсланганда, беш мегатонна (20 петажоул)ни ташкил этган. Бу Иккинчи жаҳон урушида қўлланилган жами жанговар снарядлар (жумладан, Хиросима ва Нагасакига ташланган атом бомбалари ҳам ичида) кучидан икки баравар зиёдроқ.
Шри-Ланка жануби-ғарбида баландлиги 7–9 метр келадиган тўлқин қирғоқ яқинида турган йўловчилар билан тўла “Samudra Devi” поездига бориб урилиши оқибатида тахминан 1 700 киши ҳалок бўлган — бу инсоният тарихидаги энг йирик темирйўл фожиаси саналади.
Ўша фалокатда омон қолганлар орасида фин Саули Ниинистё (у Таиландда ўғли билан телеграф устунига чиқиб олган) ва швед Монс Селмерлёв ҳам бўлган.
Селмерлёв 2015 йилда Евровидениеда ғолиб бўлади, Ниинистё эса 12 йил аввал — 2012 йилнинг 1 мартида Финляндия президентлигига сайланган (ҳозир ҳам ушбу лавозимда фаолият юритмоқда).
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter