Чарлз Дарвин университети (CDU) билан ҳамкорликда олиб борилган янги тадқиқот сунъий интеллект (СИ) кибержиноятларнинг ортиб бораётган глобал хавфига қарши курашда асосий восита бўлиши мумкинлигини аниқлади.

CDU Энергетика ва ресурс Институти тадқиқотчилари томонидан Ҳиндистондаги Крист Академияси Илғор тадқиқотлар институти билан ҳамкорликда ўтказилган тадқиқот хавфсизлик тизимларининг заиф томонларини аниқлаш учун киберхавфсизлик тести деб номланувчи пентестингда генератив сунъий интеллектдан (GenAI) фойдаланишни ўрганди. Халқаро ахборот хавфсизлиги журналида  “Pentest учун GenAI: яхши, ёмон, қўрқинчли” мақоласи чоп этилди.

Тадқиқотчилар ChatGPTдан разведка, сканерлаш, заифликни баҳолаш, эксплуатация ва ҳисобот беришда бир қатор пентестинг тадбирларини ўтказиш учун фойдаланганлар.

CDU ҳаммуаллифи ва ахборот технологиялари бўйича катта ўқитувчиси доктор Бхаранидхаран Шанмугамнинг айтишича, тадқиқотнинг мақсади маълум турдаги пентестингларни автоматлаштириш учун сунъий интеллектдан фойдаланиш имкониятларини ўрганиш ва натижалар ChatGPT улкан салоҳиятга эга эканлигини кўрсатди.