AnTuTu бенчмаркини ишлаб чиқувчилар энг яхши нарх-наво нисбатига эга Android смартфонларининг январ ойидаги рейтингини эълон қилишди. Анъанага кўра, энг яхши 10 та рўйхат турли нарх сегментларида - нисбатан арзон моделлардан тортиб флагманларгача тузилган.

“1999 юангача (277 доллар)” номинациясида рўйхатнинг биринчи уч қаторини Redmi бренди смартфонлари эгаллаган. Dimensity 8300 Ultra чипи асосидаги Redmi К70E (8/256 ГБ) етакчи бўлди. Ундан кейин Redmi Note 12 Turbo (Snapdragon 7+ Gen 2, 8/256 ГБ)  ва Redmi Note 12T Pro (Dimensity 8200, 12/256 ГБ) туради.

Нархи 2999 юан (417 доллар)гача бўлган қурилмалар орасида Snapdragon 8 Gen 2 (12/256 ГБ) процессор билан жиҳозланган iQOO Neo9 энг яхшиси бўлди. Иккинчи ва учинчи ўринларни яна Редми қурилмалари – Redmi К70 (Snapdragon 8 Gen 2, 12/256 ГБ) ва Redmi K60 Extreme Edition (Dimensity 9200+, 16/256 ГБ) моделлари эгаллади.

Нархи 3999 юан (556 доллар) гача бўлган смартфонлар рўйхатини SoC Snapdragon 8 Gen 3 флагманида қурилган Redmi K70 Pro (12/256 ГБ) эгаллади. Иккинчи ўринда realme GT5 Pro (12/256 ГБ) жой олди. Учинчи ўринда эса бир хил ҳажмдаги хотирага эга Meizu 21 (иккаласи ҳам бир хил процессор модели билан жиҳозланган) жой олди.

Ниҳоят, чакана нархи 4000 юандан ($556 дан) юқори бўлган қурилмалар рейтингида Snapdragon 8 Gen 3 чипи билан жиҳозланган OnePlus 12 (12/256 ГБ) ғолиб бўлди. Иккинчи ўринни iQOO 12 Pro (Snapdragon 8 Gen 3, 16/256 ГБ) эгаллади ва учинчиси vivo X100 Pro (Dimensity 9300, 12/256 ГБ).