iFixit компанияси М2 чипли янгиланган 13 дюймли MacBook Pro`нинг барча ички қисмлари 2020 йилги версия билан бир хил эканлигини аниқлади.

Компаниянинг таъкидлашича, ноутбуклар ташқи кўриниши ҳам деярли бир хил. Иккаласига ҳам лазер билан ишлов берилган, модел рақами “А2338” ва бир хил FCC идентификаторига эга. Бу эса Аpplе модел идентификатори ёрлиқларини янгиламаганлигини тасдиқлайди.

Пастки қопқоқдаги винтлар MacBook Pro М1 билан бир хил. Баъзи сабабларга кўра, М2 MacBook Pro`даги совутгич квадрат бурчакларга эга, аммо бу унинг ишлашига ҳеч қандай таъсир қилмайди.

Аммо YouTube блогери Люк Миани М2 чипини М1 га ўзгартирмоқчи бўлганида ноутбук ҳатто ёқилмади ҳам.

256 Гб хотирага эга М2 чипли MacBook Pro энди битта NAND чипига эга бўлиб, у иккита NAND чипига эга бўлган 256 Гб хотирали М1 MacBook Pro билан солиштирганда маълумотлар узатиш тезлигини пастроқ эканлиги аниқланди.

Таҳлил муаллифлари Аpplе янги авлод MacBook Pro`ни ишлаб чиқариш орқали қурилмани таъмирлаш ишларини янада қийинлаштиришга ҳаракат қилмоқда деган хулосага келишди.

iFixit маълумотларига кўра, MacBook Pro М2 кейинчалик Аpplе компаниясининг ўзини-ўзи таъмирлаш дастурига киритилади, шунда истеъмолчилар асл захира қисмларни сотиб олишлари мумкин.

Аpplе компанияси WWDC 2022 конференциясида MacBook Pro М2 ни тақдим этган эди. Унинг нархи 1299 долларга баҳоланган ва июль ойида сотувлар бошланди.