Япония ҳукумати бюрократияни модернизация қилишда муҳим босқичга эришиб, ўз тизимларида дискеталардан фойдаланишни ниҳоят тарк этди.

Июн ойининг ўрталарига келиб, Рақамлаштириш вазирлиги дискеталардан фойдаланишни тартибга солувчи барча 1034 та қоидаларни бекор қилди, транспорт воситаларини қайта ишлаш билан боғлиқ бўлган битта қоида бундан мустасно.

Рақамлилаштириш вазирлиги 2021 йилда, COVID-19 пандемияси даврида, бутун мамлакат бўйлаб тест ва эмлашларни жорий этиш зарурати туғилганда ташкил этилган. Кейин маълум бўлдики, ҳукумат ҳали ҳам қоғоз ҳужжатлар ва эскирган технологияга боғлиқ.

Рақамлаштириш ҳаракатларига қарамай, Япония кўплаб муаммоларга дуч келди.

Пандемия даврида контактларни кузатиш иловаси ишламай қолди ва такрорий маълумотлар хатолари туфайли My Number рақамли идентификаторларининг чиқарилиши кутилганидан секинроқ бўлди.

Барча камчиликларни инобатга олган ҳолда Япония давлат муассасаларидаги дискеталардан воз кечишга қарор қилди.