2023 йилда Самарқанд вилоятида UZTELECOM томонидан салмоқли ишлар амалга оширилиб, 473 та илғор база станцияси ўрнатилиб, модернизация қилинди ва улкан “Янгиланиш мавсуми” лойиҳасининг бир қисмига айланди.

Бу каби кенг кўламли ишлар эътибордан четда қолмади ва UZTELECOM “Энг тезкор мобил тармоқ” учун Speedtest Awards 2023 мукофотини қўлга киритиб, Ўзбекистондаги энг яхши 5G таъминоти учун нуфузли LEAD Awards мукофоти билан тақдирланди. Бу компаниянинг телекоммуникациялар оламидаги етакчилик мавқеининг эътирофидир.

Эслатиб ўтамиз, жорий йилнинг мартида “Ўзбектелеком” АК томонидан Тошкент шаҳри ва Ўзбекистоннинг вилоят марказларида мобил алоқа тармоғини модернизация қилиш ва 5G технологиясини жорий этишга қаратилган “Янгиланиш мавсуми” лойиҳаси бошланган эди.

Лойиҳа илғор технологиялардан фойдаланган ҳолда 3000 дан ортиқ база станцияларини янгилаш ва мамлакат бўйлаб 2000 дан ортиқ янги станцияларни қуришни ўз ичига олади. Бу нафақат шаҳарларда, балки қишлоқларда ҳам алоқа яхшиланганини англатади.

Шуни таъкидлаш керакки, инфратузилмани такомиллаштириш бўйича бундай ишлар бутун республика бўйлаб фаол олиб борилмоқда, уларнинг жойлашувидан қатъи назар, барча фойдаланувчилар ўртасида сифатли алоқа имкониятларини кенгайтирмоқда.

“Ўзбектелеком” АК ахборот хизмати