Ўзбекистон – Франция ҳамкорлиги: Рақамли технологиялар вазири Mobilitas компанияси раҳбари билан учрашди
Франция президенти Эммануэл Макроннинг Ўзбекистонга ташрифи доирасида Франция ва Ўзбекистон ишбилармон доиралари ўртасидаги ҳамкорликни мустаҳкамлаш мақсадида бизнес-форум ташкил этилди.
Форум доирасида Рақамли технологиялар вазири Шерзод Шерматов ва Mobilitas компанияси бош директори ва директорлар кенгаши раиси Седрик Кастро ўртасида учрашув бўлиб ўтди.
Учрашув давомида ўзаро ҳамкорлик йўлида янги компания ташкил этиш ва IT соҳасида ёш истеъдодларни тайёрлаш, шунингдек, уларни Mobilitas компаниясига ишга жойлаштириш масалалари муҳокама қилинди.
Ўзбекистон бозорини таҳлил қилиш ва ваколатхона ташкил этиш масалаларини ўрганиб чиқиш учун яқин вақт ичида хизмат сафарини ташкил этиш бўйича келишувга эришилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter