Telegram асосчиси Financial Times нашрига интервю бериб, компаниянинг ҳозирги ҳолати ва келажак режалари ҳақида маълумот берди.

Telegramда ойига 900 миллион фаол фойдаланувчи бор, бу 2021 йил бошидагидан деярли икки баравар кўп. Компания, шунингдек, рентабелликка эришишга яқинлашмоқда ва Дуров келгуси йил ёки ҳатто бу йил лойиҳа “плюс”га киришига ишончи комил. Telegram эгасининг сўзларига кўра, илова потенциал фонд бозори ва биржада муваффақиятга эришиш йўлида.

Ҳозирда мессенжер реклама платформаси ва пуллик обуналар орқали молиялаштирилади, бунинг натижасида у “юзлаб миллион долларлар” даромад келтирди. Шу билан бирга, жамоа бошқа монетизация имкониятларини ўрганмоқда. Дуровнинг сўзларига кўра, потенциал инвесторлар мессенжер қийматини “30 миллиард доллар ёки ундан кўпроқ” деб баҳолашган, бироқ Telegramни сотиш масаласи кўриб чиқилмаяпти. Бунинг ўрнига компания биржага чиқишга тайёрланмоқда. Дуровнинг ҳисоб-китобларига кўра, агар 2024 йилда бўлмаса, келаси йилда даромад келтириши мумкин.

Шу билан бирга, FT манбалари Telegram Америка бозорида IPO ўтказиши мумкинлиги ҳақида хабар берган бўлсада, Дуров акцияларни жойлаштиришнинг аниқ вақти ва жойини кўрсатишдан бош тортди. Дуров, шунингдек, компаниянинг сунъий интеллектни жорий этиш ва унинг асосида модерация даражасини кучайтириш учун чатбот яратиш режалари ҳақида гапирди. Бироқ, Дуров "одамлар ўз фикрларини қандай ифода этишини назорат қилиш" керак эмаслигини айтди.