"IT-Bilim" марказида "Marubeni" корпорацияси билан учрашув бўлиб ўтди
Япониянинг “Marubeni Corporation” компанияси ва "IT-Bilim" маркази ўртасида учрашув бўлиб ўтди.
Япон компаниясининг вакиллари "IT-Bilim" раҳбарияти билан келажакда олиб бориладиган лойиҳалар ва ҳамкорлик ишларини муҳокама қилишди.
"Marubeni" корпорацияси 160 йилдан ортиқ тарихга эга бўлган Япониянинг энг йирик савдо компанияларидан бири ҳисобланади.
Компания табиий ресурслар ва қазилма материаллари билан ишлаш каби кўплаб фаолият турлари билан шуғулланиб келмоқда ва сўнгги йилларда АйТи соҳасига ҳам катта эътибор қаратмоқда.
"IT-Bilim" маркази "Мarubeni" компаниясига Ўзбекистон ҳудудида ўз фаолиятини бошлашга, янги лойиҳаларни амалга оширишига, ҳамда корпорацияга малакали ходимларни жалб қилишда ёрдам беради.
Бу эса мамлакатимизда янги иш ўринларининг очилиши, ёшларнинг иш билан таъминланиши ҳамда замонавий технология ва амалий тажрибаларнинг кириб келишидан далолат беради.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter