2022 йилдан бошлаб Халқаро АйТи сертификатни қўлга киритган 14 ёшдан 31 ёшгача бўлган ёшларга сарфлаган харажатларининг 50% гача бўлган қисми компенсация шаклида тўлаб берилмоқда. 2023 йилда халқаро АйТи сертификатни қўлга киритганлар сони минг нафарни ташкил қилди.

2024 йил 17 февралдаги Ўзбекистон Республикаси Вазирлар Маҳкамасининг 95-сон қарорларига мувофиқ, эндиликда АйТи сертификатни олишга бўлган харажатларининг 60% гача қисмини компенсация қилиб олиш мумкин. Агар халқаро АйТи сертификатга қўшимча халқаро тил билиш сертификати бўлса, сарфланган харажатлар 100% қайтиб олиш мумкин.

2024 йил 2-чораги давомида эса 300 нафарга яқин ёшларнинг халқаро АйТи-сертификатлар учун сарф қилган харажатлари қоплаб берилди. Шундан 94% эркаклар, 6% аёлларни ташкил қилади.

20 нафар халқаро АйТи-сертификатга эга ёшларнинг харажатлари эса 100% қоплаб берилди.

Сертификат олган ёшлар сони ҳудудлар кесимида ўрганилганда 1-ўринда Самарқанд, 2-ўринда Навоий ва 3–ўринда Тошкент шаҳри эканлиги аниқланди.

2024 йил 2-чорак натижаларига кўра, Courseraда ўқиганлар улуши кўпроқ бўлди. Рўйхатда иккинчи ўринни Qwasar Silicon Walley сертификати эгаллаб турибди. Бундан ташқари Cisco ва Oracle сертификатлари ҳам ўзбекистонлик ёшлар орасида талабгир сертификатлардандир.

Энг кўп қизиқиш билдирилган ТОП-5 халқаро АйТи -сертификатлар эса қуйидагилар:

Specialization Python 3Programming

Professional certification 'Frontend Developer (Meta)

Professional certification 'Backend Developer (Meta)

Specialization Microsoft 365 Fundamentals

Full Stack Development