Gyoteburg universiteti (Shvetsiya) olimlari shifokorlarga teri saratonining eng keng tarqalgan turi bo‘lgan bazal hujayrali karsinomaning (BCC) agressiv shaklini tanib olishga yordam beradigan algoritmni ishlab chiqdi. Yangi ishlanma tufayli bemorlar kerakli davolanishni tezroq olishlari mumkin bo‘ladi. Tadqiqot Dermatology Practical & Conceptual jurnalida chop etildi.

BCC odatda sekin o‘sadi va kamdan-kam hollarda boshqa organlarga tarqaladi. Ko‘pgina BCC turlarini davolash mumkin, ammo agressiv shakllar jiddiy asoratlarni keltirib chiqarishi mumkin.

Tasdiqlangan yuz bazal hujayrali karsinomasi bo‘lgan 300 ga yaqin bemorlarning rasmlari tahlil qilish uchun ishlatilgan. Olti nafar tajribali dermatolog klinik va dermoskopik tasvirlarni baholadi. Olingan ma’lumotlarga asoslanib, olimlar BCCning kamroq xavfli shakllarini xavflilaridan ajratishga yordam beradigan algoritmni yaratdilar.

Tadqiqot shuni ko‘rsatdiki, algoritm BCCning yuqori xavfli holatlarining ko‘pchiligini samarali aniqladi.