O‘zbekiston Raqamli texnologiyalar vazirligi va IT Park Uzbekistan tomonidan “KIIIC” va “KOIIA” ko‘magida tashkil etilgan bu tadbir sizga O‘zbekistonning jadal rivojlanayotgan ITes sanoatida biznesingiz uchun yangi istiqbollarni ochish imkoniyatini taqdim etadi.

Nima uchun O‘zbekiston?

O‘zbekiston 21 million mutaxassisdan iborat ko‘p madaniyatli kadrlar salohiyatiga ega mamlakat bo‘lib, ular orasida savodxonlik darajasi yuqori (99%), 100 mingdan ortiq kishi esa koreys tilini biladi.

Bundan tashqari, O‘zbekiston va Koreya o‘rtasidagi o‘sib borayotgan hamkorlik allaqachon o‘z samarasini bermoqda. 2024-yilning birinchi yarmida O‘zbekistondan Koreyaga IT-xizmatlar eksporti 2,6 million dollarga yetib, bu 2023-yilning mos davriga nisbatan 4,3 baravar ko‘p bo‘ldi.

O‘zbekiston sizning IT-biznesingizga nimalarni taklif qiladi?

Soliq imtiyozlari – ITes va autsorsing kompaniyalari uchun 0% daromad, ijtimoiy, mulk va yer soliqlari.

Yuqori malakali mutaxassislar – har yili IT-mutaxassislar bozori 125 ming kishiga o‘sib bormoqda.

IT-Visa – investorlar, ta’sischilar va IT-mutaxassislar uchun uch yilgacha bo‘lgan ko‘p martalik viza.

Biznes yuritishning osonligi – IT Park Uzbekistan tomonidan to‘liq ko‘maklashish bilan O‘zbekistonda o‘z kompaniyangizni atigi 3-6 hafta ichida ishga tushiring.

Zero Risk dasturi – 12 oy davomida bepul ofis maydoni va xodimlarni yollash hamda o‘qitish xarajatlarini qoplash.

ITes-biznesingiz imkoniyatlarini kengaytirish va O‘zbekistonning barcha afzalliklaridan foydalanish uchun bizga qo‘shiling!

Sana va vaqt: 29 oktyabr, 14:00-17:00

Manzil: F3, 318-xona, COEX, Seul, Janubiy Koreya

Quyidagi havola orqali ro‘yxatdan o‘ting