Tim building nafaqat xodimlar o‘rtasida muloqotni yaxshilashga, balki birgalikda harakat qilishni o‘rganishga, nostandart vaziyatlarda murakkab muammolarni hal qilishga yordam beradi. Ana shunday jamoaviy tadbirlardan biri kuni kecha, 16 dekabr kuni Raqamli hukumat loyihalarini boshqarish markazida bo‘lib o‘tdi.

Bu galgi tadbir “Zakovat” intellektual viktorina formatida tashkil etilib, mantiq va jamoaviy ish uchun haqiqiy sinovga aylandi. Jamoalar murakkab masalalarni yechish, nostandart javoblarni topish va ajoyib yumorga boy o‘yin namoyish etish bo‘yicha bellashdilar. Tadbir uchun maxsus ishlab chiqilgan savollar ishtirokchilarni xuddi real dunyodagi raqamli hukumat ishlarida bo‘lgani kabi tez va qat’iy fikrlashga chorladi.

Ammo, ishtirokchilarning o‘zlari e’tirof etganidek, haqiqiy g‘alaba eng ko‘p ochko to‘plagan jamoaga emas, balki yagona mexanizm sifatida - va maksimal samaradorlik bilan ishlay olgan jamoaga nasib etdi. Barcha ishtirokchilar nafaqat yangi bilimlarni, balki keyingi ish uchun energiya zaryadini ham oldilar, chunki jamoaviy ruh va aql ish samaradorligini oldinga siljitadi.