Vazirlar Mahkamasining 2023-yil 29-dekabrdagi 698-son qarori bilan “Dasturiy mahsulotlar va axborot texnologiyalari texnologik parki faoliyatini tashkil etish tartibi to‘g‘risida”gi nizomga o‘zgartirish va qo‘shimchalar kiritildi.

Ushbu qaror bilan Dasturiy mahsulotlar va axborot texnologiyalari texnologik parki (IT Park) rezidentlari tomonidan amalga oshirishga ruxsat etilgan faoliyat turlari kengaytirildi.

Jumladan, IT Park rezidentlariga quyidagi faoliyat turlarini ko‘rsatishga ruxsat etildi:

• Multimedia va dizayn sohasida xizmat ko‘rsatish;
• Dasturiy ta’minotdan foydalangan holda multiplikatsiya mahsulotlarini ishlab chiqarish;
• Axborot texnologiyalari sohasidagi loyihalarni venchur moliyalashtirish hamda akseleratsiya dasturlarini amalga oshirish faoliyati;
• Kibersport sohasida xizmat ko‘rsatish.

Shu bilan birga, IT Park rezidentlari tomonidan amalga oshirilishi mumkin bo‘lgan faoliyat turlari kengaytirilishi munosabati bilan, IT Park rezidenti maqomini olish va undan mahrum qilishning qo‘shimcha asoslari belgilandi.