Apple qayta yangilangan Apple Watch Syeriyes 8 va Apple Watch SE 2 soatlarini suvtekin narxda sota boshladi.

41 mm korpusli va GPS bilan yangilangan Apple Watch Syeriyes 8 aqlli soati 339 dollar turadi. Bu yangi chiqqan modellardan 60 dollarga arzon deganidir. 45 mm korpusli va eSIMni qo‘llab-quvvatlaydigan yuqori versiyasi esa 449 dollarga baholanmoqda. Bu degani, endi siz ushbu modelni naq 80 dollarlik chegirma bilan xarid qilishingiz mumkin.

Yangilangan Apple Watch SE 2 40 dollarlik chegirma bilan – 204 dollarga, uning yuqori versiyasi esa 50 dollarlik chegirma bilan – 279 dollarga sotilmoqda. Do‘ppingizni osmonga otishga shoshilmang, afsuski, bu soatlarni faqat AQShda sotib olish mumkin.

Ma’lumot uchun, qayta tiklangan qurilmalar ma’lum sabablarga ko‘ra do‘konga qaytarilgan gadjetlardir. , Zavodga qaytarilgach, soatlar qattiq sinovdan o‘tkaziladi. Asosiysi, yangilangan gadjetlar ham yangi akkumulyator, korpus, aksessuarlar va yangi mahsulotlar kabi bir yillik kafolatga ega bo‘ladi.