Amazon Starlinkga raqobatchi yaratdi
Amazon suniy yo‘ldosh orqali Internetni uzatish uchun terminal tasvirlarini namoyish etdi. Loyiha Kuiper deb ataladi va so‘nggi bir necha yil davomida ishlab chiqilmoqda. U Starlinkning analogi va raqobatchisiga aylanishi kerak.
Qayd etilganidek, bir vaqtning o‘zida turli kirish tezligiga ega terminallarning 3 ta versiyasi sotuvga chiqariladi. 7 dyuymli asosiy versiya 100 Mbit/s gacha ulanishni ta’minlaydi, kerak bo‘lganda yig‘ib, olib yurish, shuningdek, yo‘lda ham foydalanish mumkin.
Ikkinchi versiya 11 dyuymli. U binoga o‘rnatish uchun mo‘ljallangan va 400 Mbit/s gacha tezlikni ta’minlaydi. Statsionar foydalanish uchun ko‘proq mos keladi.
19x30 dyuymli terminalning uchinchi versiyasi 1 Gbit /s.gacha tezlikdagi ulanishni ta’minlaydi. U korporativ foydalanuvchilar uchun mo‘ljallangan. Terminallar narxi hali e’lon qilinmagan, shuning uchun ular bu borada Starlinkdan qanchalik farq qilishi aniq emas.
Kuiper loyihasining dastlabki 2 suniy yo‘ldoshi joriy yilda, ketma-ket uchirilishi esa 2024 yilda boshlanishi kutilmoqda. Kelgusi yilning oxiriga kelib, birinchi foydalanuvchilar tarmoqqa kirish imkoniyatiga ega bo‘ladi. Abonent to‘lovi miqdori ham noma’lum.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter