Xitoy – super konsentratsiyalangan jamiyat, 1,4 milliard odam, dunyodagi eng yirik onlayn tijorat, dunyodagi eng yirik ijtimoiy tarmoqlar. Hammasi birgalikda bitta narsani anglatadi - ma’lumotlar. Odamlar ma’lumotlar manbai, ma’lumotlar esa AI dvigateli uchun yoqilg‘i.

Allaqachon xitoyliklarning sun’iy intellekt sohasidagi yutuqlari ma’lum. Turli hisob-kitoblarga ko‘ra, pul ko‘rinishida Xitoy sun’iy intellekt bozori hozirda yiliga 30 milliard dollarni yoki jahon bozorining uchdan bir qismini tashkil qiladi. Ammo bu raqamlar aysbergning faqat uchi. Xitoyda universal Wudao neyron tarmog‘i keng tarqalmoqda, boshlang‘ich maktab o‘quvchisi darajasida muloqot qilish va insondan farq qilmaydigan adabiy matn yozishga qodir.

Bundan tashqari, Xitoy uzoq vaqtdan beri superkompyuterlar soni bo‘yicha yetakchi bo‘lib kelmoqda. Shunday qilib, dunyodagi eng kuchli 500 ta superkompyuterdan 227 tasi Xitoyda (AQShda atigi 118 tasi) joylashgan.

Xitoydagi sun’iy intellektning eng yuqori cho‘qqisi, shubhasiz, dunyodagi birinchi Panopticon (Xitoyda ijtimoiy kredit tizimi deb ataladi). Ijtimoiy tarmoq ma’lumotlari, bank hisoblari va hatto niqobdagi odamni 99,99% aniqlik bilan taniy oladigan o‘n millionlab ko‘cha kuzatuv kameralarini birlashtirish Xitoyga Jeremi Betamning eski orzusini amalga oshirishga imkon berdi - bu tizimda har bir kishi istisnosiz, doimiy kuzatuv ostida bo‘ladi.

Panoptikon qurilishini kuzatib, inson faoliyatining barcha sohalariga kirib boryayotgan AI qanday qilib yangi jamiyat yaratishini tushunish mumkin - bu yerda 1,4 milliard odam birlashtirilgan, bitta AI tizimi tomonidan boshqariladi va bitta maqsad bilan bog‘lanadi.

Panoptikon hali butun mamlakat bo‘ylab joylashtirilmagan, ammo bu yaqin kelajak masalasidir. Panoptikon joriy etilishining ta’siri allaqachon hayratlanarli - masalan, an’anaviy politsiya aslida keraksiz bo‘lib qolmoqda. AI odamlar guruhlarini boshqarishda cheksiz imkoniyatlarni ochib beradi.

Xitoydagi sun’iy intellekt yutuqlariga nazar tashlasak, Nikolas Chaylen nima uchun Pentagondan iste’foga chiqqani oydinlashadi. Xitoy sun’iy intellekt uchun yaratilganga o‘xshaydi: katta hajmdagi ma’lumotlar va qo‘llash uchun cheksiz imkoniyatlar.

Sun’iy intellekt sohasida Xitoy g‘alaba qozondimi?

Yoki…

Agar maqola sizga qiziq bo‘lsa yoki fikrlaringiz bo‘lsa, izohlarda qoldiring. Shunda ushbu maqolaning ikkinchi qismini taqdim etamiz. Shuningdek, su’niy intellektning boshqa davlatlarda ham qanday rivojlanayotganini qiyosiy tahlil asosida yoritamiz.