Tesla kompaniyasining yirik bozorlardagi barcha modellari narxlarini pasaytirish qarori elektromobil bozoridagi boshqa o‘yinchilarning noroziligiga sabab bo‘ldi. Kuzatuvchilarning qayd etishicha, elektromobillar uchun dunyodagi eng yirik bozor Xitoyda haqiqiy narx urushi davom etmoqda.

Xitoyda elektromobil startapi bo‘lgan XPeng kompaniyasi ham o‘zining eng mashhur modellarining narxini pasaytirdi. 17 yanvardan boshlab kompaniyaning rasmiy veb-saytida narxlarning 13% gacha bo‘lgan ommaviy arzonlashuvi e’lon qilindi.

Brendning eng ko‘p sotiladigan sedani XPeng P7 hozirda 31 000 dollardan boshlanadi, bu avvalgidan 4 500 dollarga arzon (12,5 foizga). Xpeng G3i’i krossoverining boshlang‘ich narxi 22 000 dollargacha tushdi, bu avvalgisiga nisbatan 12 foizga kamaydi.

Kompaniyaning eng hamyonbop sedani XPeng P5 narxi ham 13 foizga arzonlashib, 23 200 dollarga tushdi. Yaqinda taqdim etilgan XPeng G9 flagman narxlari o‘zgarishsiz qolmoqda.

XPeng‘ning ta’kidlashicha, narxlarni pasaytirish uning avtomobillarini xitoylik xaridorlar uchun yanada jozibador qiladi va raqobatbardosh qiladi.

Tesla avvalroq AQSh, Xitoy va Yevropada narxlarni pasaytirgan edi. Eslatib o‘tamiz, yanvar oyi boshida yuzlab xitoylik Tesla egalari narxlar keskin pasayganidan keyin chegirmalar talab qilib norozilik namoyishi o‘tkazgan edi.