Amerikalik olimlar miyaning chuqur to‘qimalaridagi faollik haqida ma’lumot beruvchi neyroimplant ishlab chiqdilar. Qurilmaning o‘zi organ yuzasida joylashadi.

Yangi sensor 20 mikrometr diametrli grafen simlari bilan to‘ldirilgan yupqa, shaffof va egiluvchan polimer plyonkadan iborat. Sensorni yaratuvchilarning fikricha, implant chuqur nerv jarayonlari haqida yuqori aniqlikdagi ma’lumotlarni taqdim etadigan minimal invaziv miya-kompyuter interfeysini yaratishni yaqinlashtiradi. Bugungi kunda bunday ma’lumotlarni o‘qish uchun miyaga chuqur kirib, yallig‘lanish va to‘qimalarning chandig‘ini keltirib chiqaradigan ingichka ignalari bo‘lgan implantlar qo‘llaniladi.

Sichqonlar ustida o‘tkazilgan testlar shuni ko‘rsatdiki, grafen implantasi nerv faolligining ikki turi – elektr impulslari va kalsiy ajralishlari haqida ma’lumot olish imkonini beradi. Yig‘ilgan ma’lumotlarga asoslanib, tadqiqotchilar turli chuqurliklarda miyada kalsiy chiqishini bashorat qilish uchun neyrotarmoqni o‘rgatishdi.

Olimlarning fikricha, ixtiro nevrologiya sohasidagi fundamental tadqiqotlarni tezlashtiradi va miya sirlarini ochishga yordam beradi.