Google qidiruvda foydalanuvchilarga soxta saytlarga kirmaslikka yordam beradigan yangi funksiyani sinovdan o‘tkazishni boshladi. Ayrim qidiruv so‘rovlarida endi ba’zi kompaniyalarning rasmiy veb-saytlari yonida ko‘k belgilar paydo bo‘ladi, deya xabar beradi The Verge.

Google matbuot kotibi Molli Shahinning aytishicha, kompaniya muntazam ravishda xaridorlarga ishonchli biznesni internetda topishga yordam beruvchi xususiyatlar bilan tajriba o‘tkazadi. Ayni paytda qidiruv tizimidagi ba’zi saytlar nomlari yonidagi tasdiq belgilari bilan kichik tajriba o‘tkazilmoqda.

Hozirda bu belgi Microsoft, Meta, Epic Games, Apple, Amazon va HP rasmiy veb-saytlari yonida paydo bo‘ldi. Biroq, innovatsiya barcha foydalanuvchilar uchun emas, balki tanlab ishlaydi. Shuningdek, ta’kidlanishicha, kursorni belgi ustiga olib borganingizda, bu rasmiy sayt emasligi haqida xabar paydo bo‘ladi, ammo Google kompaniyasining o‘zi kompaniyaning ishonchliligiga kafolat bermaydi.

Bu funksiya barcha foydalanuvchilar uchun qachon ishlashi aniqlanmagan. Shuningdek, yangilik qaysi hududlarda sinovdan o‘tkazilayotgani ham noma’lum.