Android uchun raqib — HarmonyOS NEXT taqdim etildi
Huawei kompaniyasi yangi — HarmonyOS NEXT operatsion tizimini taqdim etdi.
Muntazam operatsion tizimlardan asosiy farqi, unda Android-komponentlar (AOSP) yo‘q. Dasturchilar Java va Kotlin tillari o‘rniga Cangjie va ArkTS tillaridan foydalanishdi.
Bunga Huawei kompaniyasining o‘z SDK (software development kit — dasturiy ta’minot ishlab chiqarish uchun komplekt) va DevEco Studio ishlab chiqish muhiti orqali erishildi.
Anglab turganingizdek, HarmonyOS NEXTda Android-ilovalarni ishga tushirib bo‘lmaydi. Huawei shu yil oxirigacha yangi operatsion tizim uchun 5000 taga yaqin ilova paydo bo‘lishiga umid qilmoqda.
Hozirda yopiq beta-test jarayoni ketmoqda. HarmonyOS NEXT 2024-yilning to‘rtinchi choragida to‘laqonli ishga tushishi kutilyapti.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter