Android учун рақиб — HarmonyOS NEXT тақдим этилди
Huawei компанияси янги — HarmonyOS NEXT операцион тизимини тақдим этди.
Мунтазам операцион тизимлардан асосий фарқи, унда Android-компонентлар (AOSP) йўқ. Дастурчилар Java ва Kotlin тиллари ўрнига Cangjie ва ArkTS тилларидан фойдаланишди.
Бунга Huawei компаниясининг ўз SDK (software development kit — дастурий таъминот ишлаб чиқариш учун комплект) ва DevEco Studio ишлаб чиқиш муҳити орқали эришилди.
Англаб турганингиздек, HarmonyOS NEXTда Android-иловаларни ишга тушириб бўлмайди. Huawei шу йил охиригача янги операцион тизим учун 5000 тага яқин илова пайдо бўлишига умид қилмоқда.
Ҳозирда ёпиқ бета-тест жараёни кетмоқда. HarmonyOS NEXT 2024 йилнинг тўртинчи чорагида тўлақонли ишга тушиши кутиляпти.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter