Бу ҳайдовчилар учун эмас, йўловчилар учун мўлжалланган машина.Унинг бош ва оёқ бўшлиқлари кўп, дея қайд этади TechCrunch.

Alphabetнинг автоном автомобиллар технологияси бўйича шўба корхонаси Waymo Хитойнинг Geely автомобил ишлаб чиқарувчиси билан ҳамкорлик қилди.

Компаниялар Waymo автоном ҳайдаш тизими Waymo Driverни Geely  Zeekr автомобилларига интеграция қилмоқда. Aвтомобиллар Швецияда ишлаб чиқилади ва Geely Швециянинг Volvo автомобил ишлаб чиқарувчисига эгалик қилади. Кейин улар AҚШга жўнатилади ва Waymo уларни учувчисиз робот таксилар паркига қўшиб, AҚШ бозорида ишлатади.

Электр минивэнида рул ёки педаллар бўлмайди, балки унинг ўрнига саёҳатнинг боришини кузатиб бориш учун экран ўрнатилади.

Машина текис ва паст қаватга эга бўлиб, ўртада қулай кириш ва чиқиш учун эшик устуни йўқ.  Салонда бошқа экранлар, шунингдек, қўл узунлигида зарядловчи қурилмалар ўрнатилган. Нашрнинг қайд этишича, бу ҳайдовчилар учун эмас, йўловчилар учун мўлжалланган машина.