“Мирзо Улуғбек ворислари” тайёрлов ўқув курсларини ташкил этиш чора-тадбирлари тўғрисида" Вазирлар Маҳкамаси қарори (ВМҚ–206-сон, 19.05.2023 й.) қабул қилинди.

Қарорга мувофиқ қуйидагилар белгиланмоқда:

• республикада фаолият юритувчи давлат олий таълим муассасаларининг 2-босқични якунлаган талабалари танлов асосида қабул қилинади;
• биринчи ўқув йилида камида 60 нафар тингловчи қабул қилинади, кейинги йилларда тингловчилар сони эҳтиёждан келиб чиқиб ошириб борилади;
• таълим олиш 34 ҳафта муддат давомида “Blended learning-аралаш таълим технологияси” асосидаги ўқув дастурига мувофиқ ташкил этилади.

Танлов 3 босқичда амалга оширилади:

• биринчи босқич — онлайн ариза ва IQ тест;
• иккинчи босқич — имтиҳон;
• учинчи босқич — суҳбат.

Танловдан муваффақиятли ўтган талабаларга қуйидаги шарт-шароитлар яратилади:

• БҲМнинг 4 баравари миқдорида ҳар ойда бир маротаба рағбатлантириб борилади;
• таълим олиш муддатига зарур компютер жиҳозлари (ноутбук) тақдим этилади;
• IT Park резидентлари бўлган ташкилотларда амалиётларда қатнашиш билан боғлиқ харажатлар қоплаб берилади.