Имо-ишора орқали бошқариладиган телевизор
Huawei компанияси диагонали 85 дюймли Smart Screen V5 номли янги ақлли телевизор чиқарди. У имо-ишораларни бошқаришни қўллаб-қувватлайди ва HarmonyOS 4 да ишлайди.
Телевизор 4Т NPU ҳисоблаш қувватига эга Honghu 900 чипи билан жиҳозланган ва 4К гача рухсатни қўллаб-қувватлайди. Чип ҳар бир кадрни чуқур таҳлил қилиш ва тасвирдаги деталлар миқдорини ошириши мумкин.
Экран, шунингдек, саҳна таҳлили ва объектни аниқлаш орқали орқа ёруғликни созлаш учун Honghu Clear Light Control Pro технологиясидан фойдаланади. Huawei бу ёритгични SuperMiniLED деб атайди.
Янги маҳсулотнинг бошқа хусусиятлари орасида порлашга қарши қоплама, имо-ишораларни бошқариш ва мобил иловаларни ишга тушириш имконияти мавжуд.
Ҳозирча Huawei Smart Screen V5 фақат Хитойда 17999 юан ($2520) нархда сотилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter