Mixpanel таҳлилий сайтининг маълумотларига кўра, iOS 16 операцион тизими чиқарилгандан деярли 100 кун ўтгач, мос келувчи қурилмаларнинг деярли 70 фоизига ўрнатилган.

iOS 16 2022 йил 12 сентабрда чиқарилди ва дастлаб ўтган йилги iOS 15 янгиланишига қараганда фаолроқ тарқатилди. Apple вақти-вақти билан ўзининг операцион тизимларини қабул қилиш ҳақидаги маълумотларни чиқаради, бироқ компания iOS 16 учун буни амалга оширмади.

Mixpanel маълумотларига кўра, ҳозирда мос келувчи қурилмаларнинг 68,90 фоизида iOS 16, 24,82 фоизида iOS 15 ўрнатилган. iOS’нинг олдинги версиялари iOS 16’да ҳам ишлай оладиган iPhone’ларнинг 7 фоизида ўрнатилган.

Apple шу ой iOS 16.2 версиясини чиқариши кутилмоқда, у iPhone фойдаланувчиларига бир қанча янги функцияларни, жумладан караоке ихлосмандлари учун Apple Music Sing, янги қулфланган экран виджетлари, iPhone Pro’да доимо очиқ дисплей учун янги имконият ва бошқаларни тақдим этади.

Сентябрь ойида iOS 16 чиқарилгандан бери фойдаланувчилар дуч келган хатоларни бартараф этиш учун бир нечта янгиланишлар чиқарилди.