Apple Vision Proдан 5 баравар арзон AR-кўзойнак чиқарилди
Хитойнинг Xreal компанияси янги тўлдирилган реаллик (AR) кўзойнагини тақдим этди, деб хабар берди GSMArena.
Air 2 Ultra оддий кўзойнаклар каби шаклга эга. Линза-экранлар ва кенг ўлчамли видеоларни ёзиб олиш учун гардиши ёнида камералар ўрнатилган. Ҳар бир экрани 1080 пикселли, 120 герц частотали, 500 нит ёрқинликка эга бўлиб, кўриш бурчаги 52 даражани ташкил қилади.
Компания маълумотига кўра, бу кўзойнакнинг камералари ва дастурий таъминоти олтита эркинлик даражаси (6DoF) бўйлаб объектларни кузатиш имконини беради. Фойдаланувчи ташқи контроллерларсиз, қўли билан AR-кўзойнакни бошқара олади. Журналистлар Xreal Air 2 Ultraни 3 499 доллар турувчи Apple Vision Proнинг арзон муқобили сифатида кўришмоқда. Air 2 Ultra нархи — 700 доллар.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter