Хакер икки йилга "кесилиши" мумкин
Фарғона вилояти, Қўштепа туманида яшовчи 18 ёшли М.А. "Телеграм" мессенжерида "Cyber education" номли каналга компютер тизимига зарар етказиши мумкин бўлган турли хил дастурларни жойлаштириш орқали тарқатаётган экан. Бу ИИВ Тезкор-қидирув департаменти Киберхавфсизлик маркази ходимлари ҳамда Фарғона вилояти Киберхавфсизлик бўлими ходимлари билан ҳамкорликда олиб борилган тезкор-қидирув ва техник тадбирлари давомида аниқланди.
Мазкур ҳолат юзасидан М.А.га нисбатан Ўзбекистон Республикаси Жиноят кодексининг 278-6-моддаси 1-қисми билан жиноят иши қўзғатилиб, тергов ҳаракатлари давом эттирилмоқда.
Қонунга мувофиқ, Ўзбекистон Республикаси Жиноят кодексининг 278-6-моддаси 1-қисми бандидаги жиноий хатти-ҳаракатлар учун базавий ҳисоблаш миқдорининг юз бараваридан уч юз бараваригача миқдорда жарима ёки икки йилгача озодликни чеклаш ёхуд икки йилгача озодликдан маҳрум қилиш жазоси назарда тутилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter