Урганч шаҳрида вазирликка бириктирилган “Кўҳна қалъа”, “Феруз”, “Умид”, “Жалолиддин Мангуберди” ва “Исломобод” маҳаллаларида инфратузилмани ривожлантириш, аҳолининг ижтимоий-иқтисодий ҳолатини ва турмуш фаровонлигини ошириш мақсадида қамровли чора-тадбирлар амалга оширилмоқда.

Бу ташаббус Ўзбекистон Республикаси Президенти томонидан илгари сурилган ҳудудларни комплекс ривожлантириш сиёсатининг бир қисми сифатида илгари сурилди. 

Хусусан, маҳаллаларда оптик толали интернет тармоқлари кенгайтирилиб, маҳаллаларда бепул Wi-fi зоналари ташкил этилди, аҳолининг рақамли технологиялардан фойдаланиш даражасини оширишга мўлжалланган ўқув-тарғибот ишлари йўлга қўйилди. 200 нафарга яқин аҳоли вакилларига АйТи, дастурлаш, рақамли маркетинг ва бошқа замонавий касбларга ўқиш учун ўқув курсларига йўлланмалар берилди. 

Ўрганишлар давомида ўз-ўзини банд қилиш имкониятига эга хотин-қизлар, ёшлар аниқланиб, улар ишлаб чиқаришга мўлжалланган тикув машиналари, жиҳозлар ва бошқа ишлаб чиқариш ускуналари билан таъминланди. АйТи соҳасига қизиқувчи ёшлар ва фуқароларга замонавий компьютер қурилмалари топширилди.