Илон Маск SpaceX юридик манзилини Делавэрдан Техасга кўчирди
Илон Маск Space Exploration Technologies Corp. (SpaceX) рўйхатдан ўтган манзилни Делавэрдан Техас штатига кўчиришини эълон қилди.
Тадбиркор аввалроқ Neuralink компанияси юридик манзилини Невадага кўчирганди.
Маск ўзини Tesla автокомпаниясидан олиши керак бўлган $55,8 млрд мукофот пулидан маҳрум қилган Делавэр канцлери Кэтлин Сент-Жуд Маккормикка жавоб чоралари сифатида компанияларини штатдан кўчириб кетишни бошлади.
The Washington Post газетаси ёзишича, Америка корпорациялари айнан бизнес юритиш учун қулай қонунчилиги сабабли Делавэр штатида рўйхатдан ўтишарди. Бироқ Маскнинг хатти-ҳаракатлари жиддий оқибатларни келтириб чиқариши мумкин.
“SpaceX ўз рўйхатдан ўтган штатини Делавэрдан Техасга ўзгартирди! Агар сизнинг компаниянгиз ҳамон Делвэрда ҳисобда турган бўлса, тезроқ бошқа штатга кўчиришни тавсия қиламан”, — деб ёзди Маск Х (собиқ Twitter) ижтимоий тармоғида.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter