2024 йил 20-22 сентябр кунлари Турин Политехника университетида ишлаб чиқувчилар, тадбиркорлар ва АйТи -мутахассисларини рақамли технологиялар соҳасида инновацион ечимларни яратиш учун бирлаштирган махсус Ҳакатон йўналиши бўйича “President Tech Award” якунланди.

Танловга 70 та жамоага бўлинган 260 нафардан зиёд иштирокчи жалб этилди ва улар 100 000 АҚШ доллари миқдоридаги бош соврин учун кураш олиб боришди. “Lorem Ipsum” жамоасининг “Focuscore Al” лойиҳаси ҳакатон ғолибига айланди.

President Tech Award — бу Ўзбекистон Президенти ташаббуси билан ташкил этилган, умумий соврин жамғармаси 1.000.000 АҚШ долларини ташкил этувчи танлов бўлиб, Ўзбекистоннинг энг истеъдодли ва креатив дастурчиларини бирлаштириш, уларга ўз стартапларини яратиш ва давлат томонидан молиявий кўмак олиш имконини беради. Ҳакатон танловнинг махсус йўналиши ҳисобланади.

Ҳакатон IT Park Uzbekistan  томонидан Ўзбекистон Республикаси Рақамли технологиялар вазирлиги кўмагида ўтказилди ва таълим, соғлиқни сақлаш, сунъий интеллект технологиялари, агросаноат ва яшил энергетика, молиявий технологиялар каби асосий тармоқларни рақамлаштиришни тезлаштиришга қаратилган. Иштирокчилар етакчи экспертлар ва мураббийлар раҳбарлигида прототиплар ва минимал ҳаётий маҳсулотлар (МВП) яратиш устида иш олиб боришди.

Ҳар куни 10 нафар мураббий ҳакатон иштирокчилари билан яқиндан ишлади.

Иштирокчи ва ғолиблар билан батафсил ушбу ҳавола орқали танишишингиз мумкин: https://digital.uz/news/view/22623/