IT Park vakillari 23–26-fevral kunlari Dohada bo‘lib o‘tadigan Web Summit Qatar 2025 ga tayyorgarlik ko‘rish bo‘yicha trening o‘tkazdilar.

Tadbir startaplarga kelgusi sammit haqida batafsil ma’lumot berish va tayyorgarlikning asosiy jihatlarini muhokama qilish maqsadida tashkil etildi.

Startap ekotizimini qo‘llab-quvvatlash va rivojlantirish hamda investitsiyalarni jalb qilish maqsadida IT Park xorijda biznesni kengaytirish uchun amaliy vositalar va tavsiyalardan iborat chek-list ishlab chiqdi. Chek-listning maqsadi samarali natijalarga erishish uchun vazifalarni tizimlashtirish va harakatlarni rejalashtirish hisoblanadi.

IT Park bosh direktori Abdulaxad Kuchkarov tadbirga puxta tayyorgarlik ko‘rish muhimligini ta’kidlab, ishtirokchilarga sammitda maksimal natijalarga erishish uchun zarur bo‘lgan harakatlar ro‘yxatini taqdim etdi.

IT Park o‘z rezidentlarini har tomonlama qo‘llab-quvvatlashda davom etmoqda, ularning o‘sishi va raqobatbardoshligini oshirishi uchun sharoitlar yaratmoqda.

IT Park mutaxassislari startaplarga asosiy ko‘nikmalarni rivojlantirish, yangi bozorlarga chiqish va ulkan maqsadlarga erishish uchun ilg‘or yondashuvlarni joriy etishda ko‘maklashmoqda.