“Mirzo Ulug‘bek vorislari” tayyorlov o‘quv kurslarini tashkil etish chora-tadbirlari to‘g‘risida" Vazirlar Mahkamasi qarori (VMQ–206-son, 19.05.2023-y.) qabul qilindi.

Qarorga muvofiq quyidagilar belgilanmoqda:

• respublikada faoliyat yurituvchi davlat oliy ta’lim muassasalarining 2-bosqichni yakunlagan talabalari tanlov asosida qabul qilinadi;
• birinchi o‘quv yilida kamida 60 nafar tinglovchi qabul qilinadi, keyingi yillarda tinglovchilar soni ehtiyojdan kelib chiqib oshirib boriladi;
• ta’lim olish 34 hafta muddat davomida “Blended learning-aralash ta’lim texnologiyasi” asosidagi o‘quv dasturiga muvofiq tashkil etiladi.

Tanlov 3 bosqichda amalga oshiriladi:

• birinchi bosqich — onlayn ariza va IQ test;
• ikkinchi bosqich — imtihon;
• uchinchi bosqich — suhbat.

Tanlovdan muvaffaqiyatli o‘tgan talabalarga quyidagi shart-sharoitlar yaratiladi:

• BHMning 4 baravari miqdorida har oyda bir marotaba rag‘batlantirib boriladi;
• ta’lim olish muddatiga zarur kompyuter jihozlari (noutbuk) taqdim etiladi;
• IT Park rezidentlari bo‘lgan tashkilotlarda amaliyotlarda qatnashish bilan bog‘liq xarajatlar qoplab beriladi.