Google yangi YouTube Premium ta’riflarini taqdim qilmoqchi, deyiladi platforma ma’muriyati bayonotida. Yangi premium obuna variantlarining narxlari va imkoniyatlari haqida hali hech narsa e’lon qilinmagan.

“Biz mavjud takliflarimizni yangi hududlarga kengaytirish, shuningdek, yangi tariflarni joriy etish va kelajakda do‘stlaringiz bilan imtiyozlaringizni baham ko‘rish usullarini o‘rganish orqali yangi tarif variantlarini taqdim etishga sodiqmiz", dedi YouTube vakili.

Hozirgi vaqtda platforma uchta YouTube Premium ta’riflarini taklif etadi: individual, oilaviy va talaba. AQShda ular oyiga mos ravishda 13,99, 22,99 va 7,99 dollarga baholanadi. Obuna bo‘lish orqali foydalanuvchi videolarni reklamasiz ko‘rishi, videolarni offlayn ko‘rish uchun saqlashi va YouTube Musicni reklamasiz tinglashi mumkin.

Avvalroq YouTube Premium obunachilariga yangi funksiyalar taklif etilishi ma’lum bo‘lgan edi: joriy videoning eng qiziqarli qismlariga “Oldinga o‘tish” va YouTube Shortsni rasmda tasvir rejimida ko‘rish. Keyinchalik oflayn ko‘rish uchun Shortslarni avtomatik yuklash, tavsiyalar bilan chatbot va ish stoli versiyasida qayta ishlangan ko‘rish sahifasi ham tajriba sifatida qayd etilgan.